من أقوال ستي

* قالت ستي* ...
خايفة أهزك يا غربالى .. يُقَع منك كل عزيز وغالى

*قالت ستي* ...
إللى يعاتب الرخيص بيرخص معاه

* قالت ستي* ...
إللى فى قلبى على لسانى .. وإللى مش عاجبه ينسانى

* قالت ستي* ...
مش كل الورد اتخلق للشم .. ولا كل البشر بتنفدى بالدم

*قالت ستي* ...
لا تضرب ولا تعمق فى الجرح .. 💔 ما بعد العداوة إلا الصلح




* قالت ستي* ...
ناس جم ناموا عندنا ليلة .. فكروا بقى حالهم من العيلة

* قالت ستي* ...
بنت الأصل🙎🏻‍♀.. تخلي كوخها قصر 

* قالت ستي* ...
ربنا يخللى لنا عقولنا .. لغاية ما نوصل لقبورنا

* قالت ستي* ...
ما بقاش فى حد صالح .. كل الناس بقت مصالح

* قالت ستي* ...
ناس من لحمك ودمك بايعينك .. ماتلومش بقى على
اللى لسه امبارح عارفينك

* قالت ستي* ...
مش كل إللى بيحكى فهيم .. ولا كل إللى بيسكت بهيم

* قالت ستي* ...
دروس الحياة مش ببلاش .. دافعين ثمنها من عمرنا كاش

* قالت ستي* ...
كله ماشى بألف وش .. والقلوب مليانة غش

* قالت ستي* ...
ربنا يكفينا شر من رحب بينا وهللا .. ومن ورانا حكي علينا
وما خللا

* قالت ستي* ...
اشكى لربك ونام .. ولا تشكى لبنى آدم وتتهان

* قالت ستي* ...
الدنيا فى الضيق توريك .. مين بيبيعك، ومين بيشتريك

 قالت ستي* ...
شيل الريحانة وشمها .. وخذ البنت على ريحة أمها